பாஸ்தான் பெயில்.. பெயில் தான் பாஸ் - நூல் அறிமுகம்



கல்வி எதை நோக்கி சென்று கொண்டிருக்கிறது? நாம் செல்லும் பாதை சரியான பாதைதானா? மாணவர்கள் உற்பத்தி பொருட்களா? என பல கேள்விகளை 13 கட்டுரைகளில் அலசுகிறது இப்புத்தகம்...

மெக்காலே முதல் கஸ்தூரி ரங்கன் வரை உள்ள அனைத்து கல்விக் கொள்கைகளின் நன்மை தீமைகளை அலசி.. உலகின் முதன்மையான கல்வி வளர்ச்சி பெற்றுள்ள நாடுகளின் கல்விக் கொள்கையுடனும், கல்வி முறையுடனும் ஒப்பிட்டு, நாம் கல்வியில், கல்விக் கொள்கைகளில் எந்த இடத்தில் நிற்கிறோம் என கண்முன் காட்டுகிறது இப் புத்தகம்...

பெரிய பெரிய கம்பெனிகளுக்கு தொழிலாளர்களை உருவாக்கிக் கொண்டிருக்கும் நம் கல்வி முறையில், எதிர்கால தலைமுறையை உருவாக்கும் ஆசிரியர் பணிக்கு ஆள் இல்லாமல், ஆசிரியர் பயிற்று நிறுவனங்கள் காற்று வாங்குகின்றன என கண்ணீரோடு கூறும் கட்டுரை சிறப்பு..

அயல்நாடுகளில் (கியூபா) ஆசிரியராய் பணிபுரிய என்னென்ன தெரிந்திருக்க வேண்டும்! என்னென்ன செய்ய வேண்டும்! அதனால் அவர்கள் எவ்வளவு மதிக்கப்படுகிறார்கள்! என்பதை அறியும்போது, நாம் செய்து கொண்டிருக்கும் செயலுடன் ஒப்பிட்டு பார்த்து, நம் தரத்தையும், பதம் பார்த்துக் கொள்ள முடிகிறது....

பரிட்சைக்கு வருகின்ற புத்தகங்களிடம் பரிட்சைக்கு வராத புத்தகங்கள் தோற்று நிற்பது நம் நாட்டினுடைய சாபக்கேடு..

புழுதி படியாத நூலகம், அறிவில் புழுதி படியாத மாணவர்களை உண்டாக்கும்.. அதற்காக படைக்கப்படக்கூடிய சிறார் இலக்கியங்கள் பற்றியும் அதில் தமிழ்நாட்டின் பங்கு பற்றியும் அழகாக கூறுகிறது பரிட்சைக்கு வராத புத்தகங்கள் கட்டுரை...

இறுதியாக தேர்வுகளில் ஃபெயிலாகி பாஸ்(BOSS) ஆகிய பல ஆளுமைகளை பட்டியலிட்டு தேர்வு மட்டுமே இறுதி தீர்ப்பு அல்ல தீர்ப்பு எப்பொழுதும் உன் கையில் உன் முயற்சியில் என படிக்கும் மாணவர்கள் மனதில் நம்பிக்கையை விதைத்து முடிகிறது இப் புத்தகம்

விமர்சனம் செய்தவர் :- இரா.இரஞ்சித்
புத்தகத்தின் பெயர்:- பாஸ்தான் பெயில்.. பெயில் தான் பாஸ்...
புத்தகத்தின் ஆசிரியர்:-ஆயிஷா இரா. நடராசன்

Location: Pattukkottai, Tamil Nadu 614601, India

Comments

Post a Comment

Popular posts from this blog

இயற்கை 24 × 7 - நூல் அறிமுகம்

Image
சுற்றுப்புற சூழலுக்காக நீங்கள் என்ன செய்தீர்கள் என்று உங்களை பார்த்து ஒரு கேள்வி எழுப்பினால் நீங்கள் என்ன சொல்வீர்கள்.? * மரம் வளர்த்துள்ளேன்.. * பேரணிகள் சென்றுள்ளேன்.. * நெகிழிப்பை உபயோகத்தை குறைத்துள்ளேன்.. * இயன்ற அளவு நீர் மேலாண்மை செய்துள்ளேன்.. * எரிபொருட்களை, மின் சாதனங்களை, காகிதங்களை குறைவாக பயன்படுத்துகின்றேன்.. எனக் கூறுவீர்கள் அல்லவா நீங்கள் சொல்லும் எந்த ஒரு காரணமும் சுற்றுச்சூழலுக்கு கடுகளவு கூட உதவி புரிவதாய் இல்லை என்று சொன்னால் உங்களால் ஏற்றுக்கொள்ள இயலுமா?? ஏன் என்ற கேள்வி எழுகிறதா? வினாவை எழுப்பி.. விடையையும் கூறுகிறது இப்புத்தகம்.. ஆம் ஒரு நூறு மரக்கன்றுகளையும், வருடம் தோறும் ஆயிரம் விதை பந்துகளையும், கையில் மஞ்சள் பையுடனும் சுற்றுச்சூழல் மைந்தன் என திரிந்த என் மண்டையில் ஒரு கொட்டு கொட்டியது இப் புத்தகம்... யானை பசிக்கு எறும்பு தீனி என்பது போல நம் செயல்கள் உள்ளன என உரக்க கூறி.. அழிப்பவனாலும், ஆள்பவனாலும் மட்டுமே இச்சுற்றுச்சூழலை காக்க முடியும் நம்மால் காப்பது போல் நடிக்க மட்டுமே முடியும் என உணர்த்தி உள்ளது இப்புத்தகம்.. கனவு நாயகனென நம் அனைவராலும் ம...
Read more

மாகடிகாரம் - விமர்சனம்

Image
மாகடிகாரம் என்னும் புத்தகத்தின் பெயரே வித்தியாசமானது, இதில் வரும் தீமன் என்ற பெயரும் வித்தியாசமானது, இது இரண்டையும் மையமாகக் கொண்டு ஒரு வித்தியாசமான கதையை எழுதியுள்ளார் விழியன் அவர்கள் இந்தக் கதையில் வருகின்ற பல இடங்கள் உண்மையில் எனக்கு இதுவரை தெரியாத இடங்கள், இந்த புத்தகத்தின் மூலமே நான் இந்த இடங்களை அறிந்து கொண்டேன், இந்த உலகமே இயங்குவதற்கு காரணம் மாகடிகாரம் என்ற நம்பிக்கையை உடைத்தான் தீமன்,கதையின் இறுதி பக்கங்களைப் படிக்கும் போது ஆரம்பத்தில் இருந்ததுக்கும், பின் இருந்ததற்கும், பல மாற்றங்கள். ஆழ்கடல் முதல் உயரமான மலை வரை உள்ளடக்கிய ஒரு கதை, இறுதியில் என்ன நடக்கும் என்று யாராலும் கணிக்க கூட இயலாத வகையில் பல மாற்றங்கள் இருந்தன, ஏலகிரி சென்ற தீமன் எதார்த்தமாய் சந்தித்த ஒரு தாத்தா, அவர் கூறிய சுவாரசியமான கதை, அதன் மூலம் தொடங்கிய பயணம்.. அதன் பின் நடந்தவையே இந்தக் கதையாக மாறியது ஹெர்குலஸ், மடாகஸ் போன்ற பலரும் ஏன் எதற்கு என்று கூட கேட்காமல், முன்னோர்கள் சொன்னதை கேட்டு அது படியே நடந்தனர், ஆனால் தீமன் மட்டும் ஏன்..? எதற்கு..? என்று கேள்விகளை எழுப்பி ஆராயச் செய்தான்… ...
Read more

கிறுக்கல்கள் -அறிமுகம்

Image
புதுமையைக் கூட புதுமையாக செய்ய முயலும் புதுமையான மனிதன் பார்த்திபன் அவர்கள் எழுதிய கிறுக்கல்கள் புத்தகத்தில் மட்டும் புதுமைக்கு பஞ்சமா இருக்கப் போகிறது... புத்தகத்தை திறந்த உடனே தன் முதல் கிறுக்கள்கள் என தன் குழந்தைகளின் புகைப்படங்களை பதிவிட்டு இருப்பதும்.. மனைவிக்கு "என்னை நேசித்த முதல் கவிதை" என எழுதி மனைவியின் புகைப்படத்தில் தலையில் ஐஸ் கட்டியை வைத்திருப்பதும்.. முதல் கவிதை என்ற வார்த்தையை ஆய்வுக்கு உட்படுத்தி முதல் என்ற வார்த்தை பொருத்தமா? உண்மையா? என விளக்கி இருப்பதும்.. இரண்டு பக்கங்களில் ஒன்றுமே எழுதாமல் ஒரே ஒரு கரும்புள்ளியை மட்டும் வைத்து நிரப்பி இது கவிதையா என நம்மை அடுத்த பக்கத்தை திருப்பாமல் யோசிக்க வைப்பதும்... அடுத்த பக்கத்தில் "வெறும் புள்ளி மட்டும் தான் நான் வியாபித்திருக்கும் வெற்றிடமாக இதயம் முழுவதும் நீ" என எழுதி முதல் இரண்டு பக்கத்திற்கு வலு சேர்த்து இருப்பதும்.. கவிதை புத்தகம் என நினைத்து புரட்டிக் கொண்டே வரும்போது நடுவில் தன் முதல் படம் பற்றிய கட்டுரை எழுதி இருப்பதும்.. திடீரென ஆங்கிலத்தில் ஐந்து வரியில் ஐந்து சொற்களை ...
Read more